Friday, October 8, 2010
Friday, September 3, 2010
ഞാന് ഒറ്റയ്ക്ക്
നിനക്കായി കാത്തിരുന്നു ഞാന്
എന്റെ സ്വപ്നങ്ങളില് നിറയെ നീ
ആയിരുന്നു.
എന്റെ ഹൃദയം ഒരു ഘടികാരം പോലെ
മിടിച്ചുകൊണ്ടിരുന്നു...
എന്റെ സ്വപ്നങ്ങള്
കൂടുപോളിച്ചുപുറത്തിറങ്ങി.
അവയ്ക്ക് പതിയെ ചിറകുകള് കിളിര്ത്തു.
പ്രതീക്ഷയോടെ നിന്നെ ഞാന് നോക്കി.
പക്ഷെ, നീ പോയി...
എനിക്കറിയാത്ത വഴികളിലൂടെ
ഞാന് അറിയാത്ത വഴികളിലുടെ
നീ പോയി.
തോരാത്ത മിഴികളുമായി
ഈ മഴയില് ഞാന് ഒറ്റയ്ക്ക്.
Tuesday, August 24, 2010
എല്ലാം സഹിക്കാന്....
ഈ കുന്നിന് നെറുകയില്
ഈ മരക്കുരിശ്ശില്
മൂന്നാണികളില്
എന്റേശുവേ, നീയിപ്പോഴും
ചോര വാര്ന്നു പിടയുന്നുവോ?
ചിതറി വീണ ഈ ചോരത്തുള്ളികള്
എന്റെയുള്ളില്
ഒരു പുഴയായൊഴുകുന്നു.
ഈ നോവിന്റെ നുറുങ്ങുകള്
എന്റെ ഞരമ്പുകളില്
എരിതീ പ്രവാഹമാകുന്നു.
ഞാന് മഗ്ദലനയിലെ മേരിയല്ല,
ഞാന് നിത്യ വിശുദ്ധയായ അമ്മയല്ല
നിന്റെ പ്രതിച്ഛായ ഏറ്റുവാങ്ങാന്
ഞാന് വേറോനിക്കയുമല്ല.
നിന്റെ പാദങ്ങള് പുണരാന്
എനിക്കാവുന്നില്ല,
നീയെത്രയോ മുകളില്.
നിന് മാറില് മുഖമൊന്നണയ്ക്കാനും വയ്യ,
ഞാനെത്രയോ താഴെ.
ഈ കല്പ്പടവില്,
ഈ മരക്കുരിശ്ശിന് ചോട്ടില്
ഞാനിരിക്കുന്നു.
തരികെന്നേശുവേ, മനശ്ശക്തി,
എല്ലാം സഹിക്കാന്....
എല്ലാം ക്ഷമിക്കാന്.....
Subscribe to:
Posts (Atom)